Büttenreden

(Inhalt unter Umständen für Zugereiste und Nicht-Hiesige schwer bis nicht verständlich)

Büttenreden gehören zum Michareither Fosnatzug wie die Themenwagen. Deshalb gibt's hier ein paar Auszüge aus den letzten Jahren.

Viel Spaß beim Lesen! Vielleicht werden auch beim ein oder anderen wieder Erinnerungen an die jeweilige Geschichte hinter dem Text wach.

Bttenrede

  • Mäählied Kutzer Konnersreuth (2010)

    Kanaschrat määh
    scheiden tut wää
    Beck doud in Mitterteich bauer
    ihr kinz blouß nu nouche schauer
    Kanaschrat määh
    scheiden tut wää

    Kanerschrat meck
    Da Beck baut an dreck
    Aus dem Bau is ja nix woan
    Am Bauploz dains Odl asfoan
    Kanerschrat meck
    Da Beck baut an dreck

    Kanerschrat määh
    Da Beck wü wida hä
    Strouß schnoll af d'seitn g'ruckt
    Niad das se da Beck wieder verdruckt
    Kanerschrat määh
    Da Beck wü wida hä

  • Swingerclub (2009)

    Af Hermannsreuth dou mou ma gai,
    dou bloust niad blous da Wind sua schai
    Die Windradla machen's scho foa weiten kund,
    dou uam am Grenzkamm dou gaiz rund

    Ja, dai Zeilen ho ich scha im Summer g'schrim
    Und assa woame Gedanken is nix blim
    Der swingerclub houd zougmacht, ich konnts kaum fassen,
    die ganze sache "abgeblasen"

    voa die Anwohner gabs a grous G'schroa
    obwohl doch koiner drinner woa
    Da ganze Landkreis doud driwa lach'n
    Wal dou higai, des dad doch koiner machen

    Mia san fia Tradition, und niad sua Frei
    Mia foan laiwa nachts in die Tschechei
    Mia genga sunta in Kiachn und sitzn am Boua
    Zu Fasching wird im Suff mid a anan umlouer

    Wenn koiner wos midgraigt , dou samma dabei
    Owa a swingerclub, na, des wa a Sauerei
    Mia wa dai Genehmigung ja leicht duachganga
    ich haid halt am Papier wos anas oagfanga

    das des a Swingerclub wiad, mou i ja niad glei Song,
    ich haid halt a Ausenstelle voan Dänischen Bettenlager eidrong
    a'gfaln wa mia a nu auf die schnelle,
    des wiad fian TÜV a Zulassungsstelle

    is ja wuascht, a Swingerclub is niad Katholisch
    und wennst oin afmachst wiad da Pfora bolisch

  • Rauchverbot (2008)

    Sua manche Jugend treibts recht Bunt,
    dai prügeln jemand ohne Grund.
    Dai san verzuang und lain se nix song,
    main alle oastrein und dainse mid koin verdrong.

    Genau dai Sortn, wou in der Zeitung drin staid,
    und wennst das lest, dia as Messer in da Daschn afgaid.
    Worum mia niad sua sann, ich koas eich song,
    voa uns daham woa as Rauchen niad verbon.

    Ihr werz eich aiz denkn, dea spinnt doch dea Mann,
    ich behaupt trotzdem: " as rauchn henkt mim Anstand zamm."
    Fraiers, dou wennst da Katz am Schwoanz g'sting bist, dau houd dai g'faucht,
    da Voder houds g'seng, und scha houds graucht.

    Oda an 6er va da Scholl hammbroucht, dou houd's da D'mutter scha geigt,
    und g'sagt: "Aiz wiad owa glernt, bis das der Rauch afsteigt".
    Voa secherne Burschn machert ich as Rauchen zur pflicht,
    dann maisert sua mancher niad afs Gricht.

    Dou is doch wirkle alles z'spaat,
    zum glick sann mia in Micharath!

  • Müllverbrennung (2007)

    Wennst fraias houst an Pfurz oazuntn,
    homm sa se voa Ekel gwundn.
    Aizat giz es im grousn, goa koi Frach,
    dou nennt mas Biogasanlach.

    Dene Biogasanlagen is ja gout erganga,
    drum wolln a poar a Müllverbrennungsanlach oafanga.
    Probiert hamms zwoa im Stifteland,
    und homm ihren Dreg hintern Huaf verbrannt.

    Aus rein wissenschaftlichen Aspekt,
    wurde a Silofolie ins Feier glegt.
    Da Polizei houd des niad so recht passt,
    und houd se glei an Jeden g'fasst.

    Dean va Neidorf is nix dazou eigfalln - leider,
    also wora niad assn Schneider.
    An anan vo Uawadeich, wous hom dawischt,
    houd deane a schaine G'schicht aftischt.

    "wissts, ich dou Broudwirscht asbroun va da Feierwehr,
    und ho denkt, wos neis mou her.
    Und ihr satz zufällig grod richtig kumma,
    ich ho nämlich die Oberteicher Folienkartoffel erfunna.

    Die Polizei houds probiert- dai woan fasziniert,
    und an Scha hams damid richtig motiviert.

    Heia im Oktober is dann suaweit:
    Vo da Brennerei an Kipper Erdäpfel, asn Landkreis de ganzn Silofolien,
    so wü er, wai die Alwerreiter mim Dotsch, an Weltrekord holen.

  • Festdamen Pfaffenreuth (2006)

    Jedes Moidl michat als Model auf die Kariereleiter,
    doch die Pfaferreiter Festdamen san dou scha weiter.
    Ausschlag gebend woa as G'wand,
    des machte der Sepp nämlich ganz galant.

    Ihr wist's doch.: "Sepp's Trachtenwelt" ,
    Schaine Dirndla fia wenich Geld.
    Dai san wirklich echt der Hit,
    zeigt houds scha der Harald Schmidt.

    Fias Dirndl Prospekt homses a Fotografiert,
    dou houdse koi Moidl maina scheniert.
    Pfaferrad, ihr sads weit kumma,
    houds deane ogmochatn Habuanspinna d'oawad o gnumma.

    Ich sochs ja,
    schai wird wirkle jeder Depp,
    kaft er sich a G'wand voan Sepp.

Schlüsselclub Münchenreuth